ti Kang IsMaya

Pasar antri pasar luhur
Pasar rame sisi jalan,
Da teu ngarti nu diluhur
matak rame anu moyan. 

Samping lurik nu ti tasik
Jalaprang kembang garutna,
Anu calik ulah belik
Akang ka gembang imutna.

ti Helmi Pakudjati

Ngala hurang disairan
Dipais pedo rasana
Hayu urang silih pairan

Ngaraketkeun anjangsana.

ti Imas Sunarti

Ngala hurang disairan
Pangalengan sisi gunung
Hayu urang sisindiran
Ulah sok gampang kasinggung.

ti Kang IsMaya

Tangkal Saga sisi Imah
Ngarambat tepi jandela,
Lamun jaga mendak bungah
Ulah lali ka nu bela!

Ibun na jukut tetelar
Walungan ngéplok caina,
Muhun da kitu ilahar
Geus nanjung poho jangjina!

ti Kang IsMaya

Sadinten di Rajapolah
Saparantos ti Cimanggung,
Mun Anjeun leubeut kanyaah
Tangtos seueur nu ngadukung!

Kuhoyong ngawédang bandrék
Tales jeung hui gandola,
Kuhoyong tepang sadérék
Anu leres bakal béla!

ti Kang Ties

Mani hieum tangkal loa
aya lember na buahna,
Lamun teu sieun mertua
Abdi suwer rek midua.

ti Kang IsMaya

Ka Bandung ka jalan braga
sapayung basa keur sore.
Kabingung moal teuaya
satungtung teu boga gawe.

Ka Bandung ka jalan jawa
nyandak saron sareng goong,
Bingung jawabna kumaha
aya Enon ngajak ngomong.

ti Kang IsMaya

Tumis kentang dipisinan
kaciri campur dorokdok,
Kumis baplang teu jaminan
nyeri huntu ngagorowok

Abdimah urang pagarsih
lembur caket Taman  Senang,
Abdi Hayang silih asih
hirup layeut hate senang.

ti Kang IsMaya

Ka Baros ti rancabelut
mawa kojong jeung karanjang,
Rumaos abdina gendut
hoyong bojo kanu begang.

Ka jepang rek mawa jengkol
ti walanda nyandak peuteuy.
Yeuh akang hayang ngarengkol
nyi randana ngajak heureuy.

ti Kang IsMaya

Daun waluh daun saga
buahna tong diraradan
kudu wawuh jeung sasama
ulah loba pacengkadan.

Ti sabang ka jayapura
dina poto sabandera,
Mun urang gede hampura
dipisono balarea.
 

ti Nyai Sari Dewi Kinasih

Kalangkang aya di gudang,
Mawa kendi kalah semplak,
Aduh akang gera hudang,
Pan abdi parantos dongkap,

ti Jana Adiwilaga

Pancaniti tiis jempling,
Pamengkang taya dangiang,
Mun Nyai teu kersa sumping
Akang moal hudang hudang.

Rek sare we terus.

ti Anwar Sunanda

Raja Galuh Mandirancan
Ngalerkeun sae jalana,
Gaduh baju pungsat bahan
Majarkeun mode ayeuna.

ti Tien Lukman

Jeruk nipis nu satangkal.
Di pelak di sisi lamping.
Baju ipis semet dampal.
Di cowak kaciri pingping.

ti Kang Ties

Daun tisuk daun awi
Daun gedang na ayakan,
Isuk-isuk hayang ngopi
Jeung nu lenjang gogonjakan

Bako tampang bako mole
Bako keureut nu ti garut,
Sono tepang bade waleh,
sono ku padeukeut imut.

ti Fendy Sy Citrawarga

NGALA kangkung ka Cipanglay
 mawa kendi eujeung hoe,
Teu langkung nu mikapalay, 
da abdi mah aya wae..

ti Ani Heryani

Titiran dina katapang
hiberna kukurilingan,
Haturan wilujeng tepang
sareng abdi ti Panawangan.

Tikukur dina campedak
dibawa ka jalaksana,
Tikapungkur hayang pendak
iraha bade laksana.

ti Kang IsMaya

Ka Bandung ka jalan braga
sapayung basa keur sore,
Kabingung moal teuaya
satungtung teu boga gawe.

Ka Bandung ka jalan jawa
mawa saron sareng goong,
Bingung jawabna kumaha
aya Enon ngajak ngomong.

ti Noneng Tarnengsih

Naek sepeda mulang nabeuh
Biasana kana motor
Lain pedah tuang seubeuh
Da tos bakat beuki molor...

"̮hϱhϱhϱ"̮◦°◦(¬˛¬)
Hapunten rada kasar, Kang IsMaya he he...

SIGODA (Sisindiran Guyonan Oerang Soenda)

ti Mamih Uun Muliawati

sawios henteu disinjang
asal dikimono bae,
sawios langka patepang
asal dipisono bae.


SIGODA (Sisindiran Guyonan Oerang Soenda)

ti Kang IsMaya

Duryudana mulang nabeuh
Numpak beca mawa kawat,
Sigana tos tuang seubeuh
Matak socana lima wat.

 
SIGODA (Sisindiran Guyonan Oerang Soenda)

ti Bang Fiqih

Cukleuk leuweung Cukleuk Lamping
Jauh kasintung Kalapa,
Lieuk deungeun Lieuk Lain
Jauh ka Indung Ka Bapa.

SIGODA (Sisindiran Guyonan Oerang Soenda)

ti Bagas Poetra Pasundan

Ka cianjur meuli kuya,
Di gule loba kacida,
Hayu dulur jeung baraya,
Mumule budaya sunda,

SIGODA (Sisindiran Guyonan Oerang Soenda)

ti Bagas Poetra Pasundan

Ti Cianjur ka hanjuang,
Jalan wates ti janari,
Hayu dulur urang tuang,
Lumayan jeung pepes teri.

SIGODA (Sisindiran Guyonan Oerang Soenda)

ti Teh Dewi Mentari

Ti Cawang ka Tegalega
Ka Ciawi ka Banjaran
Ari akang meni tega
Nyai teu dibalanjaan.

SIGODA (Sisindiran Guyonan Oerang Soenda)

t i Huzaifah Ar Razi

Aya kuda ngegel dasi
kapol laga ngora keneh
aya duda aki-aki
lagana kos budak ngora

kunurus tunyung hehe. ..

SIGODA (Sisindiran Guyonan Oerang Soenda)

ti Mamih Uun Muliawati

kembang eros na alketip,
taya piwadaheunana,
abdi mah rumaos laip
teu aya pandangeunnana.

SIGODA (Sisindiran Guyonan Oerang Soenda)

ti Asép Yudhi Al-Jayagiri

Siki tangkil sakaranjang
Diwadahan kana karung
Nyetir mobil ditaranjang
Pasti éta jalma burung

SIGODA (Sisindiran Guyonan Oerang Soenda)

ti Aby Reueus Kasalira

Jalana jalan ka tonggoh
Nu maksudna arek ngobor,
Hirup mah kudu alewoh
Ngarah teu pareumeun obor.

SIGODA (Sisindiran Guyonan Oerang Soenda)

ti Dedi Sutiadi

Daun kadu nanangkaan.
Ngarambat kanu angsana.
Urang kudu tatanyaan.
Kanu loba pangabisa.

SIGODA (Sisindiran Guyonan Oerang Soenda)

ti Kesrom Neblexs

Hampelas raraga jati
Palataran babalean,
Ikhlas raga sareng pati
Ngabelaan kasaean.

SIGODA (Sisindiran Guyonan Oerang Soenda)

ti Akank Raka

Aya seumat dinu tilam
Katincak kunu ngaliwat
Umat anu ngaku islam
Tangtu ngalakonan shalat

SIGODA (Sisindiran Guyonan Oerang Soenda)

SIGODA.

Cangkurileung jeung Tikukur
tembong na suhunan paud,
Culang-cileung euweuh batur
bongan ngukut hate hasud.

 

Kamajaya Dewi Ratih
di Bandung ka Tegalega,
Baraya sumangga linggih
ngariung di grup SIGODA.

 

Bawang beureum bawang bodas
Bawang kucay ting arulang,
Mitineung érmawar kayas
Kamelang pating arulang.

 

Marga Asih Marga Cinta
Jakapurwa Pandan Wangi,
Mun miasih jeung micinta
geura teang atuh abdi.

Sisindiran Kang IsMaya

Ka Cirata ka Calingcing
na tongkang bayawak cicing,
Cinta akang ngaligincing
Duit béak bati pusing. 

Ti maléér ka cipedes
rék teras ka jalan jurang,
Arék télér oge pantes
Hoyong nikah kanu lenjang!

Beurangna geuning mentrangna
aya semah mere roay,
Bujangna geuning tarangna
di imah anakna reuay. 

Salawe di bagi dua
can boga eukeur nukeurkeun,
Awewe jaman ayeuna
can di goda geus nyampeurkeun.

Manuk puter na parana
Japati luhureun sumur,
Lamun pinter miarana
Pastina nu subur mamur.

Hanjakal ka koperasi
Jantena di tagih hutang,
Hanjakal abdi korupsi
Jantena manggih wiwirang.

Sisindiran Amang Pen Padalarang

Aya  melon luhur jukut
keur dipoe ku mitoha
Adat awon teu dikukut
Adat sae can tiasa

Kalapa jeung siki nangka
Sarboah mawa carita
Kumaha kudu kumaha
Ngarobah eta Adatna

 

Mun sapatu di taliken
Ngan calana di sampaiken
Sakitu sok unggal dinten
Tapi naha teu di angken

 

Ulah waka nyeungeut lilin
Lamun acan di korekan
Ulah waka nyebat alim
Lamun acan ngaraosan 

Lamun kabeh niup lilin
ku abdi rek dirungkupan
Lamun keukeuh nyebat alim
ku abdi rek didukunan

 

Angeun udang jeung tututna
Masak teri jeng huluna
Nineng akang ku imutna
Mun seri nyenghel waosna

Ngajul gedang nu ditukang
Ngala belut make kenur
Anu begang sanes Amang

Anu gendut  sanes batur

Meser tutut Cbaduyut
Meser teri ti Cikadut
Lamun Hitut ngadurudut
Lamun seuri bari hitut

Amang Pen Padalarang

Kahoyong

:
Malati sareng ermawar
Katembong kabeulit eurih,
Mun abdi tiasa nawar
Kahoyong alim patebih.

Kembang ros di sisi leuwi
Diteang geuning muguran,
Sanaos henteu ngahiji
Urang tingtrim duduluran.

Kapinis ngumpul di leuweung
Digebah pating geleber,
Imut manis matak lungleng
Kana sirah matak lieur.

Bebence sareng titimplik
Nyumput dina saliara,
Mun simpe abdi sok ceurik
Ngalamun emut salira.

Beas bodas ketan hideung
Na boboko campur cikur,
Hanas abdi mikatineung
Kabogoh direbut batur.

Kembang gadung kembang eros
kembang kadu jeung tarate,
akang embung nyeri waos
komo kudu nyeri hate.

Jarami di jieun sayang
Manuk ekekna kaluar,
Jalmimah ukur kahayang
Ngan kudu daek ihtiar.

jtwg

PANGELING NGELING

Rek ngadon metik belewah
Wadahna Pipiti berkat
Ramadhon pinuh barokah
Yu eusi kunu manfaat

Lauk sepat nu dibungkus
Lauk jambal dina wadah
Shalat getol jeung tadarus
Loba amal jeung ibadah

Kadegede Jalaksana
Bandorasa Sukadana
Hade hate jeung sasama
Jaga rasa papadana

Milari manuk tikukur
Meunangna manuk titiran
Bilih aya nu teu akur
Geuraan silih andutan

Cihujan turun nyakclakan
Maseuhan sapakarangan
Sanes maksad mapatahan
Sakadar silih elingan

Budaya Sunda

:
Mibanda reujeung bandana
Basa beurang wasiatna
Urang sunda kudu nyunda
Urang rawat budayana.
 (Sri Paudwal)

Aya bogo aya lele
katarana coplok sihung
Hayu urang ngamumule
Budaya Sunda nu luhung
(Iis Nur Aisyah)

Kabaya dua pamere
dipake dua-duana
Mumule Budaya sunda
Mun teu urang rek kusaha
(Amang Pen)

Jampe nyeupah kudu nyesa
Kaciri arang ditunda
Hade lampah alus basa
Ciri bukti urang sunda

Upami urang taliti
Geuning sunda sugih mukti
Sagala rupi ngabukti
Kanggo nambihan pangarti

Sunda nu subur ku elmu
Sunda nu subur ku basa
Sunda nu sugih ku seni
Nu nyandang parahiyangan
(Tien Lukman)

Saninten buah saninten
Surabi diparapatan
Hapunteun abdi hapunteun
Bilih aya kaleupatan...
(Kang Wawan Garut)

Sisindiran ti Teh Wiwin Nugraha Hr

Budak leutik nyiar hiris
Halah Ulin kanu bala
Anu cantik jaba geulis...
Apan an abdi Wiwin tea.

Masak tempe jeung sayur sop
Gening sarua ngeunahna,
Henteu Hp henteu laptop
Aduh sarua lemotna.

Masak tutut jeung sop buntut...
Dina mangkok rek disimpen...
HP butut laptop butut....
Tukang rongsok ge alimeun

Nunda laja dina meja...
Markisa di luhur kardus...
Ceuk beja cenah ceuk beja...
Puasa bulan Agustus

Ngala haur ngala sereh..
Ngala enteh belah kaler..
Baturmah indit taraweh..
Teteh mah kalah ka dokter...

Sisindirana Teh Wiwin Nugraha Hr

Daun waru daun sereh
Meni ngampar di kebona,
Taun ajar baru tereh
Meni jangar ti ayeuna.

Sangu beas meunang nutu
Diwadahan kana dulang,
Buku baju jeung sapatu
Ditambahan daftar ulang.

Aya dua tangkal waru...
Tangkalna deukeut astana...
Orang tua reujeung guru...
Kahayangna pasti beda.

Sapatu rek diajaran
Ku budak di deukeut panto,
Pas waktuna rek bayaran
Osok ngadak ngadak poho.

Tikukur jeung manuk manyar
Kadupak ku manuk heulang,
Lain ukur rieut jangar
Ngadadak jadi muriang

Ti Cililin mawa kapas
Mawa waluh mimitina,
Bade nyalin bade copas
Asal puguh royaltina.

Sisindiran Teh Wiwin Nugraha Hr

Ti Cikotok ka Ciranjang
Tikukur dina kareta,
Nu montok jeung anu begang
Di ukur moal sarua.

Masak emih make samara....
Kurang gurih asa pait....
Mamih bobo henteu tibra..
Ngimpi ditagih Kiridit

Saliara di nu bala...
Lebah sisi deukeut jalan...
Gara gara sepak bola...
Olok kopi jeung cemilan

Nunda pare na dingkulan
Nunda kadu na pipiti,
Teu pere siap cemilan
Jaba kudu gunta ganti.

Naek kuda ider ideran
Ngurilingan sisi leuwi,
Daripada di pikiran
Mending oge nganjuk deui

Aya koboy make kutek
(koboy gumeulis)
Meni sieup ku warna pink,
Gubay geboy gutak gitek
Aya sireum nyoco pingping

2.Pupuh Kinanti

Tempat kaulinan

Dibasisir laut kidul
Ombak neumbagan kikisik
Ngaleong mawa kawaas
Pagulung-gulung kasisi
Kalapa pating garupay
Srangenge surup geus burit

Pangandaran batu hiu
Dijogjamah parangtritis
Kabeh tempat kaulinan
Leleson tina karisi
Cape hate jeung pikiran
Tanaga pon kitu deui

Pareng srangenge dek surup
Mapageun datangna peuting
Dijajap layung balibar
Bulan tembong wangun isin
Sato peuting patembalan
Sempal guyon suka seuri

###

1) PUPUH SINOM

:
1) PUPUH SINOM

BALEBAT:

Balebat mepende caang
Tanda wanci manjing burit
Layung beureum ngagupayan
Tangara datangna peuting
Sujud pasrah ka gusti
Najan hate perang campuh
Ulah aral subaha
Pan hirup teh geus pinasti
Didunya teh urang ngan ukur ngumbara

----- ----
Karya
Nur Fithry
Guru di SMKN 7 GARUT(SMKN 1 MALANGBONG)
Dulu sekolah di IAIN SUNAN GUNUNG DJATI BANDUNG jurusan Pend. Matematika
Tinggal di Garut 1, Jawa Barat, IndonesiaDari Garut 1, Jawa Barat, Indonesia

Sisindiran Teh Sri Paudwal

Moro tajug luhur lamping
Di jugjug liwat Gang kaum
Sora bedug tos kakuping
Hayu urang niat saum

Panggih sataun sakali
Teu kiat rasana ati
Sasih saum sasih suci
Omat ulah hiri dengki

Jarami di jieun tali
Dicandak ka palih wetan
Siang saum wengi ngaji
Sangkan teu kagoda setan

Ka Pagarsih meser kaos
Teu hilap sareng karembong
Sasih saum mening ngaos
Batan urang seueur bohong.

Lami ngantos di Gang kaum
Mawa pare sareng buah
Lamun bade ahir saum
Kade hilap Zakat Fitrah

Sisindiran dulur-dulur GODA

Naek padati ka cipaganti.
Naek roda ka jalan braga.
Duh gusti abdi tumampi.
Rumasa ku seueur dosa.
Eva Deva

Daganan di jejer jejer
Barala jalan ka Desa
Lamun hirup hoyong bener
Kirangan ngadamel dosa
Tien Lukman

Rek ngusep mawa jejer
Sugan aya lauk lele
Niat hirup hayang bener
Rumasa can bisa wae.........
Amang Pen

Aya sumur dina batu
Saeran dina kiteja
Ari umur henteu tangtu
Pangeran tara bebeja
Bambang Surya Kencana

Bogoh nganti jeung balaka
Sesah ngabentenkeunana
Jodo pati jeung cilaka
Eta rusiah mantena
Akank Raka

Sisindiran ti Mamah Fidhel Chantix;

Sisindiran ti Mamah Fidhel Chantix;

Binih sukun sarikaya
Dipelak ditanah huma.
Bilih Nyai henteu aya.
Omat Akang sing satia
_
Rek masak babat jeung bayah
Ditambih sate maranggi
Cenah Akang rek satia
Naha geuning jalir jangji.
_
Ka Cimanggang Cimaranten
Istirahat ngareureuhkeun
Paanggang ati sok kangen
Sing tiasa mapalerkeun.
_
Ngala cai ka Parigi
Tos cape isukan deui.
Mun Akang sulaya jangji
Wios ulah tepang deui_
_
Peupeundeuyan-peupeundeuyan
Marurag disisi leuwi.
Pileuleuyan pileuleuyan
Ayeuna urang patebih

Sisindiran Dulur-dulu Goda:

Laju ngajugjug Gang Kaum
bade milari Pa Lebe
Hayu urang mapag saum
ku jalan mersihkeun hate

Mun atos milari Lebe
Hayu urang ka Cikajang
Lamun tos mersihkeun hate
Nya hayu urang sambayang
(Sri Paudwal)

Cimareme ka Cimahi ,
Jalana liwat Cibabat,
Lamun hate atos suci,
Nya Hayu urang tarobat.......
(Eva Deva)

Meuli oyong ti sambuga
di galeuh sareng saladah
Mun hoyong jalan ka surga
Tong hilap amal ibadah
(Obey Pribadi)

Ci enteh Cai kalapa
Aspal napel na calana
hirup teh ukur ngumbara
Teu apal iraha balik

Pa Latif meuli calana
Kalakah menang kabaya
Diri laip tuna daya
Ngan muntang kanu kawasa
(Amang Pen)

Sisindiran Teh Sri Paudwal :

Moro tajug luhur lamping
Margahayu di Gang kaum
Sora bedug tos kakuping
Hayu urang niat saum

Panggih sataun sakali
Nyandak tomat kanu pengki
Sasih saum sasih suci
Omat ulah hiri dengki

Jarami di jieun tali
pikeun nalian ayakan
Sasih saum urang ngaji
Sangkan teu kagoda setan

Bojong soang Marga cinta
Bade nganjang ka Banjaran
Lamun engkang mikacinta
Tong bimbang nampi ujian

Bikini na lomari
Ditileupan jeung rompina
Pasini nu kamari
Dipiharep janjina

Hanas cai digulaan
Awi koneng awi haur
Hanas nyai ngabelaan
Sihoreng teh anu batur

Ngala kuya kana batok
Naek sedan ka cibinong
Karunya itu nu montok
Kaedanan kunu jenong

Hayang teuing angeun genjer
Angeun genjer di jengkolan
Hayang teuing kanu lenger
Nu lenger rek ditakolan

Bojong soang Margacinta
Jalana mah keur di aspal
Mun teu kasorang kacinta
Tangtu bakal diakalan

Surabi ti Margacinta
Dicandak sareng rambutan
Abdi teh nu mikacinta
Naha akang teu ngemutan

Kaliki ti ciganitri
Dibikini ku jarami
Lalaki anu teu surti
Pasinina moal lami

**** *****

Kenging, Mamah Fidhel Chantix:

Ngala parena ku Arit
Nepi ka waktuna burit,
Asa aya anu leungit
Na hate asa nyungkelit.

Peurah naon peurah naon
Mun keulat sok karacunan,
Pedah naon pedah naon
Anjeun beuki ngajauhan.

Dina pare loba serah
Sok atuh geura pisahkeun,
Lamun enya Abdi salah
Cik atuh geura terangkeun.

Ka landeuh neangan tamba
Kumis kucing keur leobeun,
Lamun Anjeun geus teu suka
Ku kuring rek dilesotkeun.

Alatan kuringna sare
Budak ceurik kokosodan,
Batan kuring nyeri hate
Meningan urang entosan.

Sisindiran Teh Iis Nur Aisyah

Singaparna Rajapolah
terusna ka sukadana
Manggul beas teu masalah
Nu penting aya borahna

Panonpoena geus surup
Dicoeran dialungkeun
Cirina jelema hirup
Hutangna rada nuturkeun

Dibajuan ditiungan
Rek ngajait meuli bahan
lamun urang silih tulungan
Baraya jadi nambahan

Aya geulang aya giwang
Sagalana mah patotos
Akang teu kedah hariwang
Asal sing jentre wawartos

Bayawak jeung kura-kura
Ka Jawa ka Kertosono
Nu ngadangu pura-pura
Kumargi da masih sono

Gotong royong sabilulungan
Geus bener da di hadean
Gotong royong silih. Tulungan
Silih simbeh ku kahadean

Aya eusi aya cangkang
Teh Wiwin kalih Teh lilis
Isin dipuji si akang
Abdina janten gumeulis

Dicarokot dikeupeulan
Mimiti diajar mahat
Nu parantos ngajempolan
Mugia pada sarehat.

***** ******

Sisindiran ti Dulur-dulur GODA

manggul ranjang kanu bala
ngelek papam ditalian
Sampurasun dulur sadaya
Hayu urang sisindiran
(Sri Paudwal)

Ngabantun meri disada
Kala jengking ubar mengi
Sampurasun wargi Goda
Haturan Wilujeng wengi,,,,
(Catur Pamungkas)

Catur kudana pawana
Janten kuncena pandawa
Haturnuhun sadayana
Diangkeun janten baraya
(AnoAnu Jangkung)

Malati jadi di gunung
Kembang beureum na pagoda
Kapiati kapigandrung
Ku heureuy baraya GODA
(Tien Lukman)

Jatukrami nu sapasang.
Katingal pisan gumbira.
Tos lami henteu patepang.
Sareng wargi di SIGODA
(Mamah Fidhel Chantix)

Ciwangi jalan ka lapang....
Naek kuda ting Rariung....
Wilujeng.wengi jeung.tepang....
Di GODA urang ngariung....
(MamahTien Lukman)
 

Malati jadi gunung
Kembang beureum na pagoda
Kapiati kapigandrung
Ku heureuy baraya GODA
(Agra Mamah)

Sisindiran Teh Tien Lukman

Bulan ngempur mapag saur
Suminar angin di pasir
Ari ras badan sakujur
Di simpay kadar jeung takdir

Ka mana jalan ka Bandung
Ka kencakeun ti Cileunyi
Ka saha abdi nyalindung
Sangsang badan titip diri

Meser gelas ti ceu Asih
Kalapa janten cipati
Ka Gusti nu welas asih
Atuh eta mah tos pasti

Meser oyong di Sabuga
Eta kalah nyandak nangka
Mun hoyong jalan ka surga
Kahade entong doraka

Ka balong rek ngala nener
Ka sisi kotakannana
Matak hirup kedah bener
Bisi kaduhung engkena

Heureuyna, Dulur-dulur GODA!

Indit mancing ka Cirata
ngan menang lauk gurame
niat hayang cuci mata
ngan loketna mani  hepe.
<Lilis Pahlawani>

rek mancing ka belawan
jadina mah da ka Cirata
rek ngeceng ka parawan
<Aby Reueus Kasalira>

Basa nganjang ka Cirata
di suguhan kue ageur
Sanajan menangkeun Randa
Anuu penting asal bageur.
<Lilis Pahlawani>

Ageurna ti singaparna
Ti Cikelet kalapana,
Ari heureuy ka anakna
Nu kapelet beut indungna.
<Asep Nugraha>

ti cikeulet meuli beubeur
Nyimpang rek meuli kabaya
Di cek bisi teu bageur
Singhoreng gening buaya.
<Lilis Pahlawani>

Sasajen kembang campaka,
Susuguh surabi peungkeur,
Najan di sebut buaya,
Nu puguh Abdi bageur.
<Asep Nugraha>

Ka Cirata ka Calingcing
di rakit bayawak cicing,
Cinta aki ngaligincing
Duit béak bati pusiiiiing
<Ki Jante>

Calingcing babakan garut
Mawa jejer ukur hiji,
tong pusing bari samutu
Komo mun kabawa teler.
<Lilis Pahlawani>

Ti maléér ka cipedes
rék teras ka jalan jurang,
Arék télér aki pantes
Hoyong nikah kanu lenjang!
<Ki Jante>

Ti catetan sisindiran Sukma Dangiangan

Bongan bangkong bongan bangkong,
ka cai teu dimandikeun,
Bongan bohong bongan bohong,
pasini teu dijadikeun.

Ngala suluh ka Cililin,
acan kakejo parena, Ulah rusuh ngajak kawin,
acan katenjo hadena.

Ngala pangpung meunang ruyung,
ngala regang kai laban,
Gering nangtung ngalanglayung,
lantaran ti kaleleban.

Ngala suluh ka Cicurug,
ngala regang ka Ci heulang,
Najan jauh kuring jugjug,
najan anggang kuring teang.

Cai mulang cai malik,
cai ngocor ka astana,
Bingung mulang bingung balik,
kabongroy kieu rasana.

Ngocok bogo ka sagara,
ngala penyu ka basisir,
Nya bogoh ulah katara,
neundeun semu dina pikir.

Ti catetan sisindiran Sukma Dangiangan

Es lilin ku amis tiis,
diseuseupan ku barudak
Matak isin ku nu geulis,
dikiceupan bet ngadilak.

Awi bitung awi wulung,
barala dapurna bae,
Anu jangkung ulah pundung,
dosa mah hampura bae.

Pipiti di bungawari,
tetenong dibobokoan,
Lalaki jaman kiwari,
hade omong pangoloan.

Paribasa nganyam samak,
neukteukan bari motongan,
Paribasa neang anak,
ngadeukeutan popotongan.

Ti peuting samping geresik,
ti beurang tumpal bandera,
Ti peuting pagilinggisik,
ti beurang papanggih era.

Ku naon kanyere semplak,
Mana semplak ku tiwuan,
Ku naon awewe nyentak,
Mana nyentak timburuan.

Ti catetan sisindiran Sukma Dangiangan

Ti Soreang ka Garunggang,
meser bengsin dikalengan,
Sanaos arang patepang
batin tetep sasarengan.

Ngala suluh ka Cicurug,
mapay-mapay Cimandiri,
Ka mana abdi ngajugjug,
milari panutan ati.

Sanajan aya talina,
moal cara jeung areuyna,
Sanajan aya gantina,
moal cara jeung anjeunna.

Daek soteh ka Sayati,
narah jalan ka Soreang,
Daek soteh mun ka gusti,
ka nu sanes mah teu hayang.

Ari payung payung Jepang,
keur Jepang di ka parakeun,
Ari jauh hoyong tepang,
geus tepang disapirakeun.

Hayang iuh make payung,
kumaha mukakeunana,
Hayang wawuh jeung nu pundung,
kumaha ngupahanana.

Ti catetan Sukma Dangiangan

Itu gunung ieu gunung,
Gunung pangupukan puyuh,
Itu pundung ieu pundung,
Pundungna teu puguh-puguh.

Ka Cibogo ka Cisempur,
meri diparaban kina,
Kabogoh direbut batur,
nyerina kabina-bina.

Ngala supa diruasan,
barera di sisi leuwi,
Ulah waka luluasan,
bisi era balik deui.

Ngala pancar ka Cinangka,
ngala awi jeung iwungna,
Babakalan ka anakna,
ari kawin ka indungna.

Melak pandan di buruan,
ngajajar reujeung malati,
Ulah waka timburuan,
da tacan jadi salaki.

Kajeun teuing tunggul kisut,
malela dijieun suling,
Kajeun teuing goring patut,
asal nu bela ka kuring.

Catetan Sukma Dangiangan

Kuring mah alim ka Bandung,
sieun ka Sumedang hilir,
Kuring mah alim dicandung,
sieun ditinggalkeun kilir.


Kuring mah alim ka Bandung,
hayang ka Soreang bae,
Kuring mah alim dicandung,
hayang ku sorangan bae.


Baju hideung kancing tangan,
dikaput ku merang awi,
Nu hideung matak teu nangan,
sing emut ka diri abdi.

Baju tablo dibulao,
kembangna katuncar mawur,
Ari bogoh ti bareto,
terang-terang geus ka batur.

Batur mah dibaju hideung,
kuring mah kabaya bae,
Batur mah dipikatineung,
kuring mah sangsara bae.

Catetan Sukma Dangiangan

Kasur jangkung bantal panjang,
Nya bogo di ka caikeun,
Anu jangkung kuring melang,
Nya bogoh urang jadikeun.

Daun nona daun saga,
Katuruban ku jarami,
Teu ayeuna sugan jaga,
Kasorang ku diri kami.

Kukulu di buah manggu,
Pisitan buah ramanten,
Kuru lain ku teu nyatu,
Mikiran nu hideung santen.

Suwangkung ulah dihumbut,
Pikeun tihang papajangan,
Nu jangkung ulah sok imut,
Bisi kuring kaedanan.

Cukangkang diguling munding,
Kincir ngait kana wijen,
Duh akang kumaha kuring,
Pikir ngait ka nu sejen.

Catetan Sukma Dangiangan

Cukangkang diguling munding,
Kincir ngait kana wijen,
Duh akang kumaha kuring,
Pikir ngait ka nu sejen.

Puyuh ngungkung dina kurung,
Titiran dina irateun,
Isuk nguyung sore nguyung,
Mikiran piduriateun.

Badoang manuk badoang,
Hiberna kana wahangan,
Dagoan kuring dagoan,
Sapanjang aya halangan.

Lamun hayam dina korang,
Meureun hese usik malik,
Lamun heg henteu kasorang,
Meureun paeh ge buncelik.

Bangbara dina bangbarung,
Kulit munding kahujanan,
Sangsara kuring dicandung,
Gulang-guling ngan sorangan.

Haruman gunung haruman,
Boboko di ka parakeun,
Kaluman kuring kaluman,
Kabogoh geus nyapirakeun.

Imut Manis!

Ka kulah nyiar kapiting
Ngocok lobak bobodasna
Ulah sok liar ti peuting
Osok loba gogodana.
<Kesrom Neblexs>

Wayahna gentos ku ragi
Nyeri mah sanes ku kapsul,
Endahna tos rumah tanggi
Wengi jum'ah Sunah Rosul.
<Akank RAka>

Cai nyurug kanu lemah
Ditandean ku boboko,
Nyai ratug akang tanggah
Ngalendean na parako.
<Dedi Setiadi>

Poe kemis ngadu kuda,
Moro uncal meunang embe,
Najan geulis teu kabita
Da bongan etana gede.
<Dedi Setiadi>

Rancatan awi nu bengkung
Siwur mah paragi nyiuk
Ku akang nyai sok embung
Nunutur bari gek diuk.
<Akank Raka>

Ti Galih Wening

Jalanna jalan ka tonggoh
Nu maksudna arek ngobor,
Hirup mah kudu alewoh
Ngarah teu pareumeun obor.
<Aby Reueus Kasalira>

Daun kadu nanangkaan.
Ngarambat kanu angsana.
Urang kudu tatanyaan.
Kanu loba pangabisana.
<Dedi Sutiadi>

Ngemploh hejo daun kangkung.
Di ical ka kota bandung.
Gusti Alloh Maha Agung.
Ku urang wajib dipunjung.
<Dedi Sutiadi>

Aya seumat dinu tilam
Katincak kunu ngaliwat
Umat anu ngaku islam
Iangtu ngalakonan shalat.
<Akank Raka>

Dimana nya melak pare
Melak sampeu mah ditegal,
Nu migawe lampah hade
Ibarat nu boga modal.
<Kesrom Neblexs>

Hampelas raraga jati
Palataran babalean,
Ikhlas raga srg pati
Ngabelaan kasaean.
<Kesrom Neblexs>

Imut Urang

Di cai sanes di kamar
Basa abdi nyumpit gaang,
Ka Nyai sanes ngalamar
Tapi abdi nagih hutang.

Babantos di Sukajadi
Moal janten moe pare
Sawios Henteu ngajadi
Nyai Moal nyeuri hate.

Dadali di bintih Heulang
Hayamna teuing kamana,
Kamari manggih nu lenjang
Nganjangna kuma carana?

Bako mole daun kawung
Cikopi gulana beureum,
Ogo hate anu gandrung
'pun abdi teu bisa peureum!

Beuleum peuteuy pencok hiris
Dina langseng di talian,
Peureum kadeuleu nu manis
Matak lungleng pipikiran.

Daun Suji Daun Jati
Daun Suren Daun Kawung,
Kabeh puji anu Gusti
Ulah Liren menta Tulung!

'citra'

Hiji Waktu

Urang tepang luhur méga
silih kait imut
sareng ngusapan warna kulawu

Sapertos kukupu silih udag
muteran mangpirang  kembang warna-warni nu mangkak di patamanan
atanapi
Sapertos jaulna japati nu mébérkeun bodas jangjangna
ngaprak mega urang nu simpe, tresna!

=== ===


: Keur R

ti tutuwuhan pakarangan;

salambar daun buah ngémploh
leupas

ngalayang
muntang ka angin

hayang anteng
ucang-anggé dina méga

ngaguar cékasna tresna
jeung
anu miang teunangan

anu hilap
henteu heula nunda kila-kila

basa
gelenyuna
gesut muru ngambah nagri, Impian!

=== ===


balébat

:keur enin!

basa,
can tuntas ngoréhkeun rasa.

paneuteup gé,
can mernah nemukeun euntreup.

tapi naha,
salira énggal cengkat mungkas?

ngalih linggih
dina jangjang gupay.

muteran tineung, Nalimbeng!

=== ===


Di tepas karang tineung

naha raray haté masih helas, apan antara tos di pupus?
teu kedah tunda talatah,
oge néang lolongkrang nu rembet rasa hariwang yén urang bakal paturay!
; saur anjeun anu lilir ti pajuaran sanubari,
basa rasa katambias galindeng sora turaés nu mapag musim katiga!

Karang Katineung '85

===   ===

Catetan Lawas

'helang'

na
tangkal nu ngarangrangan

teu
anteng
na hiji regang

gelikna
ngerewes simpe

buringas
meuleum bayeungyang.


=== ===


'halteu'

abdi;
salah sawios
halteu nu suwung

kabakutet
paneuteup angkeub
ngelekeub.

simpe;
nyangsaya
di jero roangan

nineung
sapanjang
bangku-bangku pulas hideung
ngalaeu.

tigin;
jeung tuk-teuk jarum
jam dingding
naplok na tembok, ngulet

nganti
kolenyay sinyal bagja
yen salira baris ngahiap ieu harepan.

=== ====


'Sa-arit bulan'

'ngorehan deui
sa-arit bulan di langit tineung

ukur diri
rambisak na belegbeug mega

awor jeung ceudeum
di gintir heokna angin, kingkin

di pangpengkeun
kaburuan bala gandrung, liwung.

===== =====


'hiji sonten'

: R

purnama
kapindingan mega bodas

angin lilir
rema leah ngudar beulitana

duh,
asih urang diayun dangding Enung

endah
lir purnama

neuleuman
genyasna Situ rumpaka

jtwg'89.


== * ==


'Cangcaya'

: keur anjeun

' mun kongang itu purnama
 sina nampeu

 kana raray hate anjeun
 nu meredong jungkrang tepi cekas
 katingal dasarna

 didinya
 naha enya aya amparan batu nemprak
 anu ngeplak
 jeung nyatet pageuh ngaran kuring?

 cenah endah
 meunang natah ku asih
 jeung cipruk ibun kaheman pating karetip

 na tiap usik jeung renghap anjeun
 henteu reureuh
 migandrung katresna kuring!

( nu ieu mah
 ti
 Sanggar Remaja 1978,Bandung Selatan
 catetan Kang Ismaya)

 Karya: Kang Ismaya dan Ki Jante Arkidam
===  * ====

Kenging, Mamah Fidhel Chantix:

Ngala parena ku Arit
Nepi ka waktuna burit,
Asa aya anu leungit
Na hate asa nyungkelit.


Peurah naon peurah naon
Mun keulat sok karacunan,
Pedah naon pedah naon
Anjeun beuki ngajauhan.

Dina pare loba serah
Sok atuh geura pisahkeun,
Lamun enya Abdi salah
Cik atuh geura terangkeun.

Ka landeuh neangan tamba
Kumis kucing keur leobeun,
Lamun Anjeun geus teu suka
Ku kuring rek dilesotkeun.

Alatan kuringna sare
Budak ceurik kokosodan,
Batan kuring nyeri hate
Meningan urang entosan.

Salam Kanyaah

1
Hiji dua tilu opat
Opat tilu dua hiji,
Abdi suka kanu to'at
To'at ka Alloh sahiji!
<Akank Raka>

2
Ka cai jadi saleuwi
ka darat jadi salebak
hayu ngabakti ka gusti
ku sholat jeung hade ahlak!
<Lintang Mnz>

3
Dina Péta jalan cagak
Dituturkeun leres baé,
Harta banda teu di candak
Nu di bantun amal saé.
<Arkidam>

4
Jeruk purut Daun waluh
Di beungkeut talina kawat,
Mun nurut Papatah Sepuh
Salamet dunya aherat.
<Arkidam>

5
Naon make meuli puring
Da teu mecing jeung Kacina,
Naon Hate make rungsing
Didieu mo salilana!
<Arkidam.

Kenging: Teh Sri Paudwal

Anteng ameng di gang kaum
Ngadon catur jeung tatangga
Assalam mualaikum
Haturan dulur SIGODA

Ka Jati luhur meser laken
Panginten karandapan
Haturnuhun tos diangkeun
Hapunten teu cacandakan

Turun di dudukuy laken
Nyandak gayung ti cikuda
Haturnuhun tos diangken
Ulubiung di SIGODA

Kamana ngaitkeun kincir
Kaditu ka majalaya
Kamana ngaitkeun pikir
Kaditu kanu teu aya

Permios ka sadayana
Abdi rek mios ka tonggoh
Sawios bade di dua
Abdi rek gaduh kabogoh.

kenging ti Allif Widjaya Shetiya Rhamdhanie:

1 Pepeling:

Singgetol nginum jajamu
Nu guna nguatkn urat
Sing getol nyiar elmu
Nu guna dunya akherat

ka kulah nyair kapiting
Ngocok endog bobodasna
Ulah sok kiar tipeuting
Sok loba gogodana.

2 silih Asih:

lalayangan dinu iuh
Katempo buntutna bae
Bobogohan jeung nu jauh
Katempo imutna bae

3 sesebred:

Ngala laja reujeung koneng
Manggihna ti jero leuweung
Rarasaan jangkung koneng
Nu puguh bureuteu beuteung

Salam Manis

Liburan Ka Jatiwangi
Tumpak Sado Poé Kemis,
Haturan Wilujeng Wengi
Salam Sono Salam Manis!

Di Tonggoh Jalan Barala
Astana Pelak Jelema,
Sono Bogoh Ti Baheula
Iraha Bakal Laksana!

Mawa Kacang, Kacang Panjang
Di Teukteuk Anggeur Namina
Akang mah hayang Nepangan
Miharep Caket Anjeuna!

Aya Kuda, Kuda Lumping
Di Payung Nokéran Lampit,
Aya Duda Nuju Ngibing
Di Panggung Nyawér Saringgit!

Di Bagi Kari Sapiring
Di Bantun Kalah Di Gentos,
Kumargi Parantos Jempling
Di Kantun Abdi Permios!

(Kang IsMaya. CitraPadalarangIndah)