Bulan ngempur mapag saur
Suminar angin di pasir
Ari ras badan sakujur
Di simpay kadar jeung takdir
Ka mana jalan ka Bandung
Ka kencakeun ti Cileunyi
Ka saha abdi nyalindung
Sangsang badan titip diri
Meser gelas ti ceu Asih
Kalapa janten cipati
Ka Gusti nu welas asih
Atuh eta mah tos pasti
Meser oyong di Sabuga
Eta kalah nyandak nangka
Mun hoyong jalan ka surga
Kahade entong doraka
Ka balong rek ngala nener
Ka sisi kotakannana
Matak hirup kedah bener
Bisi kaduhung engkena
Tidak ada komentar:
Posting Komentar